“Zirə”nin futbolçusunun 100-cü oyunu

“Zirə”nin futbolçusu Ceyhun Nuriyev Premyer Liqada 100-cu matçını keçirib.

Komanda.az xəbər verir ki, yarımmüdafiəçi bunu Misli Premyer Liqasının 9-cu turunda “Sumqayıt”la ev matçında (1:0) reallaşdırıb.

O, qarşılaşmanın 73-cü dəqiqəsində meydana daxil olub.

Hesabında 11 qol olan Nuriyev Premyer Liqada iki klubun formasını geyinib. 2020/2021 mövsümündə “Sabah”da debüt edən futbolçu ilk klubunda 46 (4 qol), “Zirə”də 54 (7 qol) dəfə şans qazanıb.