“Zirə”nin hazırlıq planı bəlli oldu

“Zirə” klubunun mövsümlərarası hazırlıq planı bəlli olub.

Komanda.az klubun saytına istinadən xəbər verir ki, qəsəbə təmsilçisi iyunun 24-də çalışmalara start verəcək. Hazırlıq mərhələsinin Bakıda keçiriləcək ilk hissəsi iyulun 16-dək davam edəcək. “Zirə” bu müddətdə üç yoxlama oyunu keçirməyi planlaşdırır.

Hazırlığın növbəti mərhələsi isə Türkiyədə keçiriləcək. 18 iyul-1 avqust tarixlərində Türkiyədə olacaq “Zirə” bu müddətdə 4 yoxlama matçı keçirməyi planlaşdırır.