“Zirə”nin rəqibindən yeni transfer

“Zirə”nin UEFA Konfrans Liqasının 3-cü təsnifat mərhələsindəki rəqibi olan Xorvatiyanın “Osiyek” klubu yeni transferini açıqlayıb.

Komanda.az klubun mətbuat xidmətinə istinadən xəbər verir ki, Osiyek şəhərinin eyniadlı komandası mərkəz müdafiəçisi Emin Hasiçi sıralarına qatıb.

21 yaşlı oyunçu İsveçin “Varnam” klubundan transfer olunub. O, İsveçin U-21 millisinin şərəfini qoruyur.

“Zirə” ilk matçda səfərdə “Osiyek”lə heç-heçə edib – 1:1. Bu komandalar arasındakı cavab qarşılaşması avqustun 15-da “Dalğa Arena”da keçiriləcək.