“Zirə”nin Türkiyədəki rəqibləri bilindi

“Zirə”nin qış təlim-məşq toplanışının proqramı məlum olub.

Komanda.az klubun mətbuat xidmətinə istinadən xəbər verir ki, komanda yanvarın 5-də Türkiyənin Antalya şəhərinə yola düşəcək.

Rəşad Sadıqovun rəhbərlik etdiyi kollektiv qonşu ölkədə 3 yoxlama oyunu keçirməyi planlaşdırıb.

“Zirə” yanvarın 13-də Macarıstanın “Peç”, 20-də Polşanın “Qurnik” (Leçna), 24-də isə Şimali Makedoniyanın “Breqalniça” klubları ilə qarşılaşacaq.

“Zirə” yanvarın 25-də Bakıya qayıdacaq.