“Zirə”dən ayrılan futbolçunun yeni klubu bilindi

Bir neçə gün əvvəl “Zirə”dən ayrılan Abbas İbrahimin yeni klubu müəyyənləşib.

Komanda.az xəbər verir ki, nigeriyalı yarımmüdafiəçi karyerasını Albaniyada davam etdirəcək.

27 yaşlı futbolçu Superliqa təmsilçisi “Elbasani” ilə 2026-cı ilin iyununa qədər müqavilə bağlayıb.

2023-cü ilin fevralında “qartallar”a keçən İbrahimin sözləşməsinin müddəti yayda başa çatmalı olsa da, qarşılıqlı razılıq əsasında onun sözləşməsinə xitam verilmişdi.

Abbas İbrahim 2024/25 mövsümündə “Zirə”də az oyun şansı qazanıb. O, bütün turnirlərdə cəmi 8 oyuna çıxıb və 1 qol ötürməsi edib.