“Zirə” ilə qarşılaşmanı səbirsizliklə gözləyirik” – “Omoniya”nın baş məşqçisi

“Omoniya”nın baş məşqçisi Valdas Dambrauskas Kiprdə “Zirə”yə qarşı keçirəcəkləri UEFA Konfrans Liqasının pley-off mərhələsinin ilk oyunundan əvvəl mətbuat konfransında iştirak edib.

Komanda.az xəbər verir ki, Dambrauskas “Zirə”nin keyfiyyətli komanda olduğunu deyib:

“Oyunboyu diqqətli olmalıyıq. Müsbət nəticə əldə edəcəyimizə inanıram. Azarkeşlərimiz kimi, biz də bu qarşılaşmanı səbirsizliklə gözləyirik. Ümid edirik ki, onları sevindirəcəyik. “Zirə”nin müxtəlif güclü tərəfləri var. Müdafiədə kifayət qədər yaxşı təsir bağışlayırlar”.

Avqustun 22-də GPS stadionunda keçiriləcək qarşılaşma saat 21:00-da başlayacaq. Cavab görüşü bundan bir həftə sonra Bakıda olacaq.