Zidan işləməyə hazırdır

“Real”ın sabiq baş məşqçisi Zinəddin Zidan gələcəklə bağlı planlarını açıqlayıb.

Komanda.az “Marca”-ya istinadən xəbər verir ki, fransalı mütəxəssis üç illik fasilədən sonra yenidən məşqçilik etmək istəyir.

Belə ki, Zidan bu müddət ərzində yalnız “Real” və ya Fransa millisində çalışmağa hazır olduğu üçün çoxlu sayda təklifi rədd edib. Bununla belə, o, başa düşür ki, indi Madridə qayıtmaq praktiki olaraq mümkün deyil.

52 yaşlı Zidan artıq iki dəfə (2016-2018, 2019-2021) “Real”ın baş məşqçisi olub. O, həmin vaxtdan bəri işsizdir. Madrid komandasını hazırda müqaviləsi 2026-cı ilə qədər olan italiyalı mütəxəssis Karlo Ançelotti idarə edir.