Zidan yenidən Madriddə

Fransalı mütəxəssis Zinəddin Zidan çərşənbə axşamı hücumçu Kilian Mbappenin təqdimatı üçün “Real”ın düşərgəsinə gedib.

Komanda.az xarici KİV-ə istinadən xəbər verir ki, fransalı futbolçunun təqdimatı zamanı Zidan Madrid klubunun prezidenti Florentino Pereslə birlikdə “Santyaqo Bernabeu”ya daxil olub.

“Real” yayın əvvəlində 25 yaşlı hücumçu ilə müqavilə imzaladığını açıqlayıb. Onun PSJ ilə müqaviləsi iyunun son günündə başa çatıb. ”Real” Mbappeni azad agent kimi transfer edib.