Polşalı futbolçu niyə “İnter”i seçib?

Pyotr Zelinski niyə “İnter”ə keçməyə qərar verdiyini açıqlayıb.

Komanda.az İtaliya mətbuatına istinadən xəbər verir ki, polşalı yarımmüdafiəçi çoxlu müxtəlif təkliflər olmasına baxmayaraq, yalnız “İnter”ə getmək istədiyini bildirib:

“İnter”i seçdim, çünki bu, Avropanın ən böyük klublarından biridir. Nəyin bahasına olursa-olsun, məni şirnikləndirmək istəyirdilər, xoş qarşılanma və hörmət hiss etmək əla idi. Mənə çoxlu müxtəlif təkliflər gəldi, ancaq mən yalnız “İnter”ə getmək istəyirdim”.

30 yaşlı futbolçu 8 il “Napoli”nin şərəfini qoruyub və cari mövsüm başlamazdan əvvəl azad agent kimi Milan klubuna keçib. O, Simone İnzaqinin komandasında 17 oyunda iştirak edib, 2 qol vurub.