Zaur Həşimov: “Bunun qalmasını istəmirəm”

“Zirə”nin baş məşqçisi Zaur Həşimovun Premyer Liqanın 9-cu turunda “Sabah”la qarşılaşdıqları oyundan sonra mətbuat konfransı keçirilib.

Komanda.az xəbər verir ki, Həşimov, 2:2 hesabıyla bitən görüşü belə şərh edib:

• Həddindən artıq yaxşı hazırlaşmışdıq. İlk danışdığımız şey o idi ki, əvvəlcə komandanın mübarizliyini qaytaraq. İkinci hissədə qol vurduq, bir az özümüzə qayıtdıq. Ən pisi odu ki, ehtiyatsızlıqdan qol buraxdıq. Ancaq 2-ci hissədə başqa “Zirə” meydana çıxdı. Gələcək işimizi də bu mübarizliyin üzərində quracağıq.
• Bir əvəzləmə etdiz. Soni Nordeni meydana buraxmaq olmazdımı?
• Ötən oyun Soni Norde meydanda idi, bir az axsayırdı. Riçard Qadzeni tanıyırdım, oyunboyu da soruşdum ki, meydanda qala bilər, ya yox.
• Hər iki qolda Orxan Sadıqlı topu götürə bilərdi. Buraxılan toplarda onun nə qədər günahı vardı?
• Komandaya ilk dövrədən sonra gəlmişəm. Bu komandayla sona qədər gedəcəyik. Orxanın da arxasındayam. Səhvlər qaçılmazdı.
• Nicat Süleymanov son saniyəyə qədər yaxşı mübarizə apardı. Xüsusi nə isə çalışırmı?
• Nicatla dünən fərdi söhbətim olub. Çox sevinirəm ki, mənim sözlərimi qəbul edib. Ona güvənirik.
• Tellur Mütəllimov sanki oyuna uyğunlaşa bilmirdi…
• Tellur 3-4 gündü məşqlərə başlayıb. Oyunçuların bir az beynində əvvəlki məşqçidən fikirlər var. Bunların qalmasını istəmirəm. Meydanın içində nüanslar var ki, onun üzərində çalışacağıq.

Şahin Cəfərov