“Real” Vlahoviçə niyə “yox” deyib?

“Yuventus”un yeni transferi Duşan Vlahoviçin İspaniyanın “Real” klubuna keçmək variantı olub.

Komanda.az xəbər verir ki, serbiyalı hücumçu qış fasiləsində Madrid təmsilçisinə təklif edilib. Bu barədə İspaniya mətbuatı məlumat yayıb. “Real” yayda PSJ-dən Kilian Mbappeni heyətinə qatmağı planlaşdırdığı üçün Vlahoviçin transferindən imtina edib.

Vlahoviç qış fasiləsində 75 milyon avro qarşılığında “Fiorentina”dan “Yuventus”a keçib.