“Yuventus”un təklifi “Nyukasl”ı qane etməyib

“Nyukasl”ın müdafiəçisi Loyd Kelli Premyer Liqanı İtaliya A Seriyasına dəyişə bilər.

Komanda.az xarici KİV-ə istinadən xəbər verir ki, “Yuventus” ingiltərəli futbolçunun xidmətində maraqlıdır.

Turin klubu Kellinin transferi üçün “sağsağanlar”a təklif göndərsə də, ingilislər müqavilənin şərtlərindən razı qalmayıb. İtaliyalılar 26 yaşlı müdafiəçinin 15 milyon avroya transferi ilə bağlı “Nyukasl”la razılığa gəlməyə ümid ediblər.

Kelli 2024-cü ilin yayında “Nyukasl”a keçib. O, həmin vaxtdan 13 matçda iştirak edib və 1 məhsuldar ötürmə verib. Onun bazar dəyəri 18 milyon avro qiymətləndirilir.