“Sarrinin “Yuventus”a uyğun olduğunu düşünürəm”

“Yuventus”un futbolçusu Federiko Bernardeski “Çelsi”ni çalışdıran Mauritsio Sarrinin Turin təmsilçisinə gələcəyiylə bağlı yayılan iddialar haqda danışıb.

Komanda.az xəbər verir ki, İtaliya mətbuatına açıqlama verən Bernardeski, Sarrinin “Yuventus”a uyğun baş məşqçi olduğunu deyib:

“Yuventus”un növbəti baş məşqçisinin kim olacağı haqda danışmaq istəmirəm. Bizim yaxşı liderlərimiz var. Kim gəlir gəlsin, hər oyunçu üçün yeni bir şeylər gətirəcək.

Bir futbolçu kimi, Sarrinin “Yuventus”a uyğun olduğunu düşünürəm. Ancaq onun kluba gəlib-gəlməyəcəyini bilmirəm”.

İtaliya mətbuatı Sarrinin “Çelsi”dən ayrılaraq, “Yuventus”a gələcəyini iddia edir.