“Yuventus”un çempionluq haqda danışması sadəcə axmaqlıq olar”

“Yuventus”un futbolçusu Corco Kyellini açıqlama verib.

Komanda.az xarici mətbuata istinadən xəbər verir ki, 36 yaşlı müdafiəçi komandasının İtaliya A Seriyasında bu mövsüm çempionluq şansının qalmadığını deyib:

“Bir neçə qəbuledilməz səhv etdik. Təəssüflər olsun ki, belə alındı. Çempionluq yarışı ilə bağlı nəsə demək, proqnoz vermək istəmirəm. “Yuventus”un çempionluq haqda danışması sadəcə axmaqlıq olar. Çox çalışmalı, əlimizdən gələni etməliyik. Nəticəyə sonda baxacağıq. Çempionlar Liqasına vəsiqə uğrunda sona qədər mübarizə aparacağıq”.

“Yuventus” A Seriyasında 4-cü sıradadır.