“Yuventus” rəsmisindən “Benfika”nın müdafiəçisi ilə bağlı açıqlama

“Yuventus”un idman direktoru Kristiano Cintoli Turin klubunun “Benfika”nın müdafiəçisi Antonio Silva ilə maraqlanması ilə bağlı şayiələrə cavab verib.

Komanda.az “Sky Sport”-a istinadən xəbər verir ki, klub rəsmisi Silvanın bir çoxu kimi maraqlı oyunçu olduğunu bildirib:

“Antonio Silva bir çoxu kimi maraqlı oyunçudur. Yanvarda əksər klublar öz oyunçuları ilə ayrılmaq həvəsində deyillər, ona görə də, biz sadəcə vəziyyətə nəzarət edəcəyik. Çox sayda oyunçunun zədəli olduğu qəribə mövsümdür, ancaq bizdə olan oyunçulara və yeni baş məşqçiyə inanırıq. Məqsədimiz çempionatı ilk dördlükdə başa vurmaqdır. Ona görə də, son vaxtlar zədələrə görə çoxlu xal itirməyimizə baxmayaraq, işlər gözlənildiyindən də yaxşı gedir”.