“Belə vəziyyətdə qələbə qazanmağımız onsuz da çətin idi” – Sarri

“Yuventus”un baş məşqçisi Mauritsio Sarri Çempionlar Liqasının 1/8 finalında “Lion”a məğlub olduqları oyundan sonra fikirlərini bildirib.

Komanda.az İtaliya mətbuatına istinadən xəbər verir ki, Sarri, 0:1 hesabıyla bitən görüşü şərh edərkən bunları deyib:

“Niyə bilmirəm, ancaq futbolçularıma sürətli olmalarının vacibliyini izah edə bilmirəm. Bu çox vacib məsələdir və bunun üzərində durmağa davam edəcəyik. Gec-tez bunu başa düşəcəklər.

Dünən nə etmisənsə, bu gün ondan yaxşısını etməlisən. Biz məşqdə çalışdıqlarımızı bu gün meydanda göstərə bilmədik. Oyunun tempi aşağı olanda imkanlarınız da az olacaq. Matçın tempini dəyişdirmədən oynadıq. Belə vəziyyətdə qələbə qazanmağımız onsuz da çətin idi. Oyunun ikinci hissəsində yaxşı oynadıq, ancaq Çempionlar Liqası səviyyəsində deyildik”.