Pirlo: “Meydanda maraqlı döyüş olacaq”

“Yuventus”un baş məşqçisi Andrea Pirlo İtaliya kubokunun yarımfinal mərhələsində “İnter”lə qarşılaşacaqları cavab oyunundan əvvəl fikirlərini bildirib.

Komanda.az xəbər verir ki, “La Gazetta dello Sport” nəşrinə danışan Pirlo, finala vəsiqə qazanmaq üçün mübarizə aparacaqlarını bildirib:

“Son oyunlarda olduğu kimi, əsl “Yuventus” kimi oynamalıyıq. Böyük mübarizənin ikinci oyununa çıxacağıq. Meydanda maraqlı döyüş olacaq. İlk oyundakı üstünlüyümüzü unudub, qələbə hissi ilə meydana çıxacağıq. İlk matçdakı qələbəyə arxayınlaşmamalıyıq və hesabın 0:0 olduğunu düşünüb oynamalıyıq”.

Bu gün keçiriləcək “Yuventus” – “İnter” matçı saat 23:45-də başlayacaq. Komandalar arasındakı ilk oyunda “qoca sinyora” 2:1 hesablı qələbə qazanıb.