“Barselona”ya 3 qol vuracağımıza inanmalıyıq” – Pirlo

“Yuventus”un baş məşqçisi Andrea Pirlo Çempionlar Liqasının qrup mərhələsinin sonuncu – 6-cı turu çərçivəsində “Barselona” ilə qarşılaşacaqları oyundan əvvəl açıqlama verib.

Komanda.az xarici mətbuata istinadən xəbər verir ki, italyan mütəxəssis, “Barselona”ya 3 qol vurmaq istədiklərini deyib:

“Canluici Buffonun durumu yaxşıdır və oynaya bilər. O, belə oyunlarda iştirak etməyə layiqdir. “Barselona”da krizis olduğuna inanmıram. Çox möhtəşəm bir komandayla qarşılaşacağıq.

Bu oyun böyüməyimiz və təcrübəmiz üçün çox önəmlidir. Qrupda ilk yeri tutmaq bizim üçün vacibdir. Bundan daha vacib olan isə meydanda sərgiləyəcəyimiz oyun olacaq.

“Barselona”ya 3 qol vuracağımıza inanmalıyıq. Çətin olacaq, amma şansımız var. İtirəcək bir şeyimiz yoxdur”.

“Barselona” – “Yuventus” matçı saat 00:00-da start götürəcək.