“Yuventus”dan “Real”a təklif – 45 milyon avro

Yay transfer pəncərəsi dövründə Kriştiano Ronaldonu heyətinə qatan “Yuventus”, növbəti dəfə “Real”ın qapısını döyməyə hazırlaşır.

Komanda.az “Tuttosport”a istinadən xəbər verir ki, “qoca sinyora” “Real”ın braziliyalı futbolçusu Marselonu mövsümün sonunda heyətinə qatmaq istəyir. 30 yaşlı müdafiəçi üçün hərəkətə keçən “Yuventus”un “kral klubu”na 45 milyon avro, futbolçuya isə illik 12 milyon avro təklif edəcəyi bildirilir.

“Real”la 2022-ci ilədək müqaviləsi olan Marselo, bu mövsüm iştirak etdiyi 22 oyunda 3 qol vurub, 4 məhsuldar ötürmə edib.