“O gün mənim üçün həqiqətən unudulmaz oldu” – Kyellini

“Yuventus”un sabiq futbolçusu Corco Kyellini İtaliya klubundakı ən yaxşı xatirəsindən danışıb.

Komanda.az FİFA-nın rəsmi saytına istinadən xəbər verir ki, italiyalı keçmiş futbolçu “Yuventus”dakı son ev oyununun onun üçün unudulmaz olduğunu deyib:

“Yuventus”dakı ən yaxşı anım son ev oyunum idi. Təbii ki, çoxsaylı qələbələr istisna olmaqla. Bu, karyeramın sonunda baş verdi və mən bundan həzz aldım. Uşaqlarım, ailəm orada idi və o gün mənim üçün həqiqətən unudulmaz oldu”.

Kyellini 2023-cü il dekabrın ortalarında futbolçu karyerasını başa vurub. Peşəkar futbolla 23 il ərzində məşğul olan keçmiş müdafiəçi “Livorno”, “Fiorentina” və “Yuventus” kimi komandalarda çıxış edib. Onun son klubu “Los Anceles” olub.