“Mən yalnız oyunçularıma təşəkkür edə bilərəm” – Alleqri

“Yuventus”un baş məşqçisi Massimiliano Alleqri İtaliya çempionatının 9-cu turunun “Milan”la oyunu (1:0) barədə danışıb.

Komanda.az DAZN-a istinadən xəbər verir ki, o, bu qələbə üçün futbolçularına təşəkkür edib:

“Yuventus” yaxşı müdafiə olundu, amma futbol təfərrüatlardan ibarətdir. İkinci hissəyə elə də yaxşı başlamadıq. Son dəqiqələrdə səbrimiz çatmadı və “Milan”ın əks-hücumlara keçməsinə imkan verdik. Bəli, daha üstün oyunumuz var idi, amma Rafael Leaonun sürəti bu üstünlüyü zərərsizləşdirdi. “Milan”ı məğlub etməyimizdən uzun müddət keçmişdi. Ona görə də, mən yalnız oyunçularıma təşəkkür edə bilərəm”.

“Yuventus” 20 xalla A Seriyasında üçüncüdür. “Milan” liderliyi itirib və 21 xalla turnir cədvəlində ikincidir.