“Yuventus”la “Milan”ın da “radar”ındadır – İsveçli hücumçu

Lissabon “Sportinq”inin hücumçusu Viktor Qyökeres iki top-klubun maraq dairəsinə düşüb.

Komanda.az “Corriere dello Sport”-a istinadən xəbər verir ki, isveçli futbolçunu transfer etməkdə “Yuventus” və “Milan” maraqlıdır.

Qyökeresin müqaviləsində 100 milyon avro təzminat məbləği göstərilib. Həmçinin, ona iddialılar arasında “Arsenal”, “Mançester Siti”, “Çelsi” və “Liverpul” da var.

26 yaşlı forvard cari mövsümdə 16 oyun keçirib, 20 qol vurub və 4 məhsuldar ötürmə edib.