“Əminəm ki, Vlahoviçlə yeni müqavilə imzalayacağıq” – “Yuventus” rəsmisi

“Yuventus”un idman direktoru Kristiano Gintoli hücumçu Duşan Vlahoviçlə müqaviləni uzatmaq niyyətində olduqlarını açıqlayıb.

Komanda.az xarici KİV-ə istinadən xəbər verir ki, Turin klubunun rəsmisi serbiyalı futbolçunun böyük potensialı olduğunu bildirib:

“Vlahoviçin böyük perspektivləri, böyük potensialı var. Əminəm ki, biz razılığa gəlib yeni müqavilə imzalayacağıq”.

Vlahoviç 2022-ci ildən “Yuventus”da çıxış edir. Tərəflər arasındakı müqavilə 2026-cı ildə başa çatacaq.

24 yaşlı forvard bu mövsüm A Seriyasında 5 oyun keçirib, 2 qol vurub.