“Yuventus” “Barselona”nın müdafiəçisi üçün hərəkətə keçib

“Barselona”nın müdafiəçisi Ronald Arauxo “Yuventus”un maraq dairəsinə düşüb.

Komanda.az xarici KİV-ə istinadən xəbər verir ki, Turin klubu qarşı tərəfdən 26 yaşlı oyunçu barədə məlumat istəyib.

“Barselona” uruqvaylı futbolçu ilə bağlı yekun qərarını verməyib. Kataloniyalılar onunla müqaviləni uzatmağa hazır olsa da, hələ ki, razılıq əldə olunmayıb.

Arauxo iyulda aldığı zədədən bir müddət əvvəl sağalsa da, cari mövsümdə hələ heç bir matçda iştirak etməyib. Onun klubla hazırkı müqaviləsi 2026-cı ilin ortalarında başa çatacaq.