“Yuventus” “Mançester Yunayted”in futbolçusu ilə maraqlanır

“Yuventus” rəhbərliyi komandanı “Mançester Yunayted”in vingeri Ceydon Sanço ilə gücləndirmək niyyətindədir.

Komanda.az xarici KİV-ə istinadən xəbər verir ki, İtaliya klubu ingilis futbolçunu icarəyə götürməkdə maraqlıdır. Artıq “Yuventus” təmsilçilərinin İngiltərə klubunun rəhbərliyi ilə əlaqə saxladığı bildirilir. Turinlilər qış transfer pəncərəsində keçidi başa vura biləcəklərinə əmindirlər.

Sanço bu mövsüm “Mançester Yunayted”in heyətində bütün turnirlərdə cəmi 3 oyun keçirib. Futbolçunun “qırmızı şeytanlar”la müqaviləsi 2026-cı ilin iyun ayının sonuna kimi qüvvədədir.