“Yuventus” PSV-dən futbolçu aldı, icarəyə göndərdi

“Yuventus” heyətini yeni futbolçu ilə gücləndirib.

Komanda.az xəbər verir ki, Turin təmsilçisi PSV-nin yarımmüdafiəçisi Məhəmməd Amine İhattareni transfer edib.

Bu barədə klubun rəsmi saytı məlumat yayıb. 19 yaşlı futbolçu ilə 4 illik müqavilə imzalanıb.

Amine PSV-nin yetirməsidir. O, son üç mövsümdə Niderland təmsilçisinin heyətində meydana çıxdığı 70 oyunda 9 qol vurub.

“Yuventus” İhattareni transfer edən kimi “Sampdoriya”ya icarəyə verib. Gənc futbolçu bu mövsümün sonunadək məhz bu klubun formasını geyinəcək.