“Yuventus” onun üçün 75 milyon avro istəyir

“Yuventus”un mərkəz müdafiəçisi Bremer yay transfer pəncərəsində klubu tərk edə bilər. 

Komanda.az İtaliya mətbuatına istinadən xəbər verir ki, Turin klubunun rəhbərliyi 26 yaşlı oyunçunu ən azı 75 milyon avroya satmağa hazırdır.

Braziliyalı futbolçu üçün “Real”, “Arsenal” və “Mançester Yunayted” də mübarizə aparır. 

Bremer 2022-ci ilin yayında 44 milyon avroya “Torino”dan “Yuventus”a keçib. O, bu mövsüm klubun heyətində bütün turnirlərdə 26 oyuna çıxıb və 2 qol vurub.