“Yuventus” “Cenoa”nın futbolçusu ilə anlaşıb

İtaliyanın “Cenoa” klubunun yarımmüdafiəçisi Nikolo Rovella A Seriyasında komandasını dəyişməyə hazırlaşır.

Komanda.az İtaliya mətbuatına istinadən xəbər verir ki, “Yuventus” 19 yaşlı futbolçunu heyətinə qatacaq. “Qoca sinyora”nın futbolçuyla anlaşdığı bildirilir. Məlumata görə, Rovella cari mövsümün sonunda “Yuventus”a qoşulacaq.

İtaliyalı futbolçunun “Cenoa”yla müqaviləsi cari mövsümün sonunda başa çatacaq.