“Roma” Kyeza üçün “Yuventus”a futbolçusunu təklif edib

“Yuventus” “Roma” ilə mübadilə edə bilər.

Komanda.az “Tuttosport”-a istinadən xəbər verir ki, paytaxt klubu Federiko Kyeza üçün “Yuventus”a müəyyən məbləğdə pul və hücumçusu Stefan El Şaaravini təklif edib.

“İnter” də Kyezanın xidmətində maraqlıdır və Davide Frattesini mübadilə olaraq “Yuventus”a göndərməyə hazırdır.

26 yaşlı futbolçu karyerasını davam etdirmək üçün prioritet seçim barədə hələ qərar verməyib.

Kyezanın hazırda “Yuventus”la müqaviləsinin bitməsinə bir il qalıb, ona görə də, Turin klubu italiyalı futbolçunu satmağa açıqdır. Çünki bir ildən sonra o, komandadan azad agent kimi ayrıla bilər.