“Yuventus” kapitan sarğısını fransalıya vermək istəyir

“Yuventus” yarımmüdafiəçi Adrien Rabionu komandada saxlamaq istəyir.

Komanda.az “Tuttojuve”-yə istinadən xəbər verir ki, bunun üçün Turin klubu onu komandanın kapitanı etməyə hazırdır. Klub rəhbərliyi fransalı futbolçuya “qoca sinyora” üçün nə qədər vacib olduğunu göstərmək istəyir.

28 yaşlı yarımmüdafiəçi 2019-cu ildən “Yuventus”da çıxış edir. O, bu mövsüm 7 oyun keçirib, 1 qol vurub və 2 məhsuldar ötürmə verib.