“Yuventus” onun üçün son təklifi etməyə hazırdır

“Yuventus” “Barselona”nın hücumçusu Memfis Depay üçün son təklifi etməyə hazırdır.

Komanda.az “Sport Mediaset”-ə istinadən xəbər verir ki, “Yuventus” rəhbərliyi niderlandlı oyunçunun tələblərini çox yüksək hesab edir. Depay bonuslar da daxil olmaqla, mövsüm başına demək olar ki, 10 milyon avro dəyərində, üç illik müqavilə istəyir. Turin klubu isə ona 5-6 milyon ödəməyə hazırdır.

Tərəflər kompromis tapa bilməsə, Depayın transfer məsələsi bağlanacaq. “Barselona”nın azad agent kimi “Yuventus”a keçə bilməsi üçün hücumçu ilə müqaviləni pozmağa hazır olduğu bildirilirdi.

Depay ötən mövsüm “Barselona”nın heyətində bütün turnirlərdə 37 oyuna çıxıb, 13 qol vurub və 2 məhsuldar ötürmə edib. Onun kataloniyalılarla müqaviləsi 30 iyun 2023-cü ilə qədərdir.

Bizi Telegramda izləyin