“Yuventus” “Barselona”nın müdafiəçisini icarəyə götürməyi planlaşdırır

“Yuventus” “Barselona”nın iki mərkəz müdafiəçisinə iddia edir.

Komanda.az xarici KİV-ə istinadən xəbər verir ki, “qoca sinyora”nın qısa transfer siyahısına Ronald Arauxo və Andreas Kristensen daxil olub. Turin klubunda “Barselona” rəhbərliyi ilə yaxşı münasibətlərin olmasının yanvar transfer pəncərəsində bu iki müdafiəçidən birinin icarəyə götürülməsinə kömək edəcəyinə ümid yaradıb.

25 yaşlı Arauxonun “transfermarkt” portalı tərəfindən dəyəri 55 milyon avro, 28 yaşlı Kristenseninki isə 20 milyon avro olaraq qiymətləndirilir. Hər iki futbolçunun “Barselona” ilə müqaviləsi 2026-cı ilin yayına qədərdir.