Xarici KİV: “Yuventus” avrokuboklardan kənarlaşdırılıb

UEFA İtaliyanın “Yuventus” klubunu avrokuboklardan kənarlaşdırıb.

Komanda.az “La Stampa” nəşrinə istinadən xəbər verir ki, qitə futbol qurumu Turin təmsilçisinin maliyyə pozuntusuna yol verdiyini aşkarlayıb. Bu səbəbdən, “qoca sinyora” cari mövsümdə UEFA Avropa Konfrans Liqasında iştirak edə bilməyəcək.

“Yuventus”u qitənin üçüncü dərəcəli klub turnirində 2022/2023 mövsümündə A Seriyasını 8-ci pillədə tamamlayan “Fiorentina” əvəz edəcək.