“Yuventus” 2 futbolçusunu İngiltərə klublarına təklif edib

“Yuventus” klubu iki futbolçusu ilə yollarını ayıra bilər.

Komanda.az xəbər verir ki, bu barədə “La Gazzetta dello Sport” məlumat yayıb. Məlumata görə, “qoca sinyora” yarımmüdafiəçilər Duqlas Luis və Nikolo Faciolini satmaq qərarına gəlib.

Klubun texniki direktoru Kristiano Cintoli bu yaxınlarda Mançesterə səfər edərək, futbolçuları “Mançester Yunayted” və “Mançester Siti”yə təklif edib.

“Yuventus” İtaliya çempionatında 13 turdan sonra 25 xal toplayaraq, turnir cədvəlində 6-cı yerdə qərarlaşıb.