Azərbaycan millisindən 3 cavabsız qol

Avropa çempionatının seçmə mərhələsinin oyunlarına hazırlaşan əsas və 21 yaşadək futbolçulardan ibarət Azərbaycan milli komandaları arasında yoxlama oyunu keçirilib.

Komanda.az xəbər verir ki, qarşılaşma bu gün “Dalğa Arena”da baş tutub.

Oyun əsas millinin 3:0 hesablı qələbəsi ilə başa çatıb. Dmitri Nazarov və Ağabala Ramazanov penalti zərbələrini dəqiq yerinə yetiriblər. Digər qolu isə Araz Abdullayev vurub.

Azərbaycanın əsas millisini xorvatiyalı Nikola Yurçeviç, U-21-i isə serbiyalı Milan Obradoviç çalışdırır.

Yoxlama oyunu

1 iyun

Azərbaycan millisi (əsas) – Azərbaycan millisi U-21 3:0
Qol: Dmitri Nazarov, 62-pen. Ağabala Ramazanov, 80-pen. Araz Abdullayev, 84.
Hakimlər: Etibar Həsənov, Zöhrab Abbasov, Teymur Teymurov və Nicat İsmayılov.
“Dalğa Arena”.