Yunanıstan – Azərbaycan matçına təyinatlar açıqlandı

Futzal üzrə Avropa çempionatının əsas mərhələsinin 5-ci qrupu çərçivəsində keçiriləcək Yunanıstan – Azərbaycan oyununa təyinatlar açıqlanıb.

Komanda.az xəbər verir ki, Afinada baş tutacaq matçı Bolqarıstandan olan hakimlər briqadası idarə edəcək.

Baş hakim Trayan Ençevə Kaloyan Kirilov və İvan İvanov kömək edəcək. Almaniyalı Sven Ekler isə hakim-inspektor kimi fəaliyyət göstərəcək.

DAİS İdman Arenasında təşkil olunacaq görüş saat 21:00-da start götürəcək.