İngiltərədə və İtaliyada oynamaq istəyir – “Real”ın hədəfindəki futbolçu

“Real”ın transfer hədəfində olduğu deyilən “Ayntraxt”ın futbolçusu Luka Yoviç açıqlama verib.

Komanda.az Almaniya mətbuatına istinadən xəbər verir ki, serbiyalı futbolçu, İngiltərə Premyer Liqasında və ya İtaliya A Seriyasında yaxşı çıxış edə biləcəyini deyib:

“Fiziki cəhətdən Bundesliqada oynamaq çətindir. Avropa Liqasında “İnter”lə, “Çelsi” ilə keçirdiyimiz oyunlardan sonra özümü Premyer Liqada və ya A Seriyasında daha yaxşı göstərə biləcəyimi hiss etdim. Ordakı komandaların tərzi mənə çox uyğundur”.

21 yaşlı futbolçu, bu mövsüm Frankfurt təmsilçisinin heyətində keçirdiyi 48 oyunda 27 qol, 7 məhsuldar ötürmə ilə yadda qalıb.