Yığmamız yoldaşlıq oyununda məğlub oldu

Birləşmiş Ərəb Əmirliklərinin Ras Əl-Xayma şəhərində təşkil olunacaq dünya çempionatında iştirak edəcək minifutbol üzrə Azərbaycan millisi yoldaşlıq oyunu keçirib.

Komanda.az xəbər verir ki, Elşad Quliyevin baş məşqçisi olduğu kollektiv Çexiya ilə üz-üzə gəlib.

Qarşılaşma rəqibin 4:2 hesablı qələbəsi ilə yekunlaşıb.

Dünya çempionatına bu gün start verilib. G qrupunda yer alan Azərbaycan millisi ayın 27-də İraq, 29-da Misir, 31-də isə Küveytlə qarşılaşacaq.