“Yenidən Messiyə qarşı oynamaq gözəl olacaq”

“Los Anceles Qalaksi”nin yarımmüdafiəçisi Marko Roys MLS-dəki çıxışından gözləntilərini bölüşüb.

Komanda.az xarici KİV-ə istinadən xəbər verir ki, o, MLS-də Lionel Messi ilə rəqib olmaqdan söz açıb:

“Yenidən Messiyə qarşı oynamaq gözəl olacaq. Onunla klubda və milli komandada iki-üç dəfə meydanda yollarımız kəsişib”.

Roys bu yay azad agent kimi “Los Anceles Qalaksi”yə keçərək, 2026-cı ilin sonuna qədər olan müqavilə imzalayıb.

Messi “İnter Mayami”də forma geyinir.