Yenidən Gəncə şəhər stadionunda – VİDEO

Peşəkar Futbol Liqası (PFL) Gəncədə “Kəpəz” və “Neftçi” arasında keçirilmiş Misli Premyer Liqasının 10-cu tur oyunundan reportaj hazırlayıb.

Komanda.az Peşəkar Futbol Liqasının rəsmi saytına istinadən xəbər verir ki, süjetdə hər iki komandanın azarkeşlərinin açıqlamaları yer alıb.

Gəncədəki fanatlar böyük futbolun şəhərə qayıtmasını arzuladıqlarını və bunun gerçəkləşdiyi üçün sevindiklərini bildiriblər.

Oyun “Neftçi”nin 2:0 hesablı qələbəsi ilə yekunlaşıb. “Kəpəz” “Zirə”yə qarşı 1-ci turdakı ev oyununu Bakıdakı “Dalğa Arena”da, növbəti görüşlərini isə Qəbələ şəhər stadionunda keçirib.