Hazard azı 6 təklifə “yox” deyib

Belçikalı yarımmüdafiəçi Eden Hazard bu yay ən azı altı təklifi rədd edib.

Komanda.az AS nəşrinə istinadən xəbər verir ki, 32 yaşlı futbolçuya ABŞ, Səudiyyə Ərəbistanı, İngiltərə, İspaniya, Fransa və hətta Şotlandiyadan təklif gəlib. “İnter Mayami” ona ən yaxşı təklifi edib, lakin Hazard bundan imtina edib.

Belçikalı futbolçu hələ yeni təkliflərə açıq olmadığını bildirib.

Hazard 2019-cu ildə “Çelsi”dən “Real”a keçib. O, “Real”dan ayrıldıqdan sonra azad agent olub.