Yeni müqavilə imzalayacaq

İngiltərəli müdafiəçi Kris Smollinq “Roma” ilə yeni müqavilə imzalayacaq.

Komanda.az İtaliya mətbuatına istinadən xəbər verir ki, 33 yaşlı futbolçunun klubla sözləşməsi 2025-ci ilin yayına kimi uzadılacaq və o, 3.5 milyon avro maaş alacaq.

Smollinq 2020-ci ildən paytaxt klubunda çıxış edir. İngiltərəli futbolçu cari mövsümdə “Roma”nın heyətində bütün turnirlər daxil olmaqla 41 oyuna çıxıb, üç qol vurub və bir məhsuldar ötürmə edib.