Yenə zədələndi, meydanı ağlayaraq tərk etdi – VİDEO

“Yuventus”un yarımmüdafiəçisi Pol Poqba zədə səbəbindən mövsümün qalan hissəsini buraxacaq.

Komanda.az “Corriere dello Sport”-a istinadən xəbər verir ki, Poqba İtaliya A Seriyasının 35-ci turunun “Kremoneze” ilə qarşılaşmasında (2:0) zədələnib. 30 yaşlı futbolçu göz yaşları içində meydançanı tərk etmək məcburiyyətində qalıb.

Fransalı oyunçu cari mövsümdə İtaliya çempionatında altı oyuna çıxıb. O, mövsüm ərzində zədələrdən əziyyət çəkdiyi üçün müalicə olunub.

Poqbanın “qoca sinyora” ilə sözləşməsi 2026-cı ilin yayına qədər nəzərdə tutulub.