“Yaxşı komandayıq, amma…” – Klopp

İngiltərə Premyer Liqasının 12-ci turu çərçivəsində “Tottenhem”ə 2:1 hesabı ilə qalib gələn “Liverpul”un baş məşqçisi Yurgen Klopp açıqlama verib.

Komanda.az klubun rəsmi saytına istinadən xəbər verir ki, alman mütəxəssis, qələbəyə layiq oyun göstərdiklərini bildirib:

“Belə bir dövrdə bu cür oyun göstərmək möhtəşəmdir. Bu matçda üç xala layiq olduğumuzu düşünürəm. “Tottenhem”in də şansı vardı, bir qol vurdular, amma bunlar nəzarətimizdə idi. Belə rəqiblə oyunda daha yaradıcı olmaq lazım idi və biz bunu bacardıq. Yaxşı komandayıq, amma çətin vəziyyətdə olduğumuzu hər kəs bilir. Bu çətinliklərə baxmayaraq, belə oyun göstərmək çox vacib idi”.

Bu qələbə ilə xallarının sayını 28-ə çatdıran “Liverpul” liderliyə yüksəlib.