Ançelotti: “Yavaş-yavaş öz səviyyəmizə qayıdırıq”

“Real”ın baş məşqçisi Karlo Ançelotti səfərdə “Jirona” üzərində 3:0 hesablı qələbədən sonra fikirlərini bildirib.

Komanda.az xarici KİV-ə istinadən xəbər verir ki, o, qarşıda daha bir güclü rəqibin onları gözlədiyini deyib:

“Yaxşı müdafiə olunsaq, mütləq qalib gələcəyik, çünki hücumun keyfiyyəti bizə məcburi qola bel bağlamağa imkan verir. Yavaş-yavaş öz səviyyəmizə qayıdırıq. Qələbə asan görünə bilər, amma bunun üçün mübarizə aparmalı idik. İndi bizi əla formada olan daha bir çox güclü rəqib gözləyir. Biz özümüzün ən yaxşı variantını göstərməyə çalışacağıq”.

“Real” dekabrın 10-da UEFA Çempionlar Liqasında “Atalanta” ilə qarşılaşacaq.