Yaponlar Azərbaycan yığmasını 1/4 finala buraxmadılar

Qılıncoynatmanın sablya növü üzrə milli komandamız Belçikanın Sent-Niklas şəhərində keçirilən Dünya Kubokunun mərhələ yarışında çıxışını başa vurub.

Komanda.az xəbər verir ki, Anna Başta, Palina Kaspiaroviç və Zərifə Hüseynovadan ibarət yığmamız ən güclü səkkizliyə yüksəlmək uğrunda keçirilən qarşılaşmada Yaponiya seçmə kollektivinə 26:45 hesabı ilə uduzub.

Millimiz 9-16-cı yerlər uğrunda keçirilən qarşılaşmalarda Meksika (45:32) və Yunanıstan (45:34) komandalarına qalib gəlsə də, doqquzuncu yer uğrunda keçirilən qarşılaşmada Bolqarıstana 44:45 hesabı ilə məğlub olub.

Şəxsi yarışda Anna Başta 64-lüyə yüksəlmək uğrunda keçirilən görüşdə məğlub olub. Palina Kaspiaroviç isə əsas mərhələyə kimi irəliləsə də, növbəti görüşdə mübarizəni dayandırıb.