“Barselona”da nəticə verən futbolçu Messidir, bizdə isə…” – Simeone

UEFA Çempionlar Liqasının 1/8 final mərhələsinin cavab oyunları çərçivəsində səfərdə “Liverpul”a 3:2 hesabı ilə qalib gələn Dieqo Simeone açıqlama verib.

Komanda.az klubun mətbuat xidmətinə istinadən xəbər verir ki, argentinalı mütəxəssis, qələbə qazandıqları oyunu belə şərh edib:

“Komandaya və kluba görə çox xoşbəxtəm. Növbəti dəfə Avropanın ən yaxşı 8 komandası arasındayıq. Gözəl stadionda möhtəşəm rəqibə qarşı tarixə düşə biləcək bir oyun keçirdik. Komanda olaraq inanılmaz iş gördük. İkinci qolu buraxdıqdan sonra dayanmadıq və qol vurduqdan sonra hər şeyin bizim əlimizdə olduğunu bildik.

Şübhəsiz, Yan Oblak hazırda dünyanın ən yaxşı qapıçısıdır. “Barselona”da nəticə verən futbolçu Messidir, bizdə isə bu, Oblakdır. O, ən yaxşıdır, buna görə də, layiq olduğu yerdədir”.