Yamal zədələnib

“Barselona”nın və İspaniya millisinin vingeri Lamin Yamal UEFA Millətlər Liqasında Danimarka yığması ilə görüşdə (1:0) komandasının qələbə qazanmasına kömək edib.

Komanda.az “Mundo Deportivo”-ya istinadən xəbər verir ki, 17 yaşlı futbolçu zədə səbəbindən 90-cı dəqiqədə əvəzlənib. Oyunçunun sol ayağında əzələ zədəsi var. O, bazar günü dərin müayinədən keçəcək.

Yamal bu mövsüm 14 rəsmi oyunda 5 qol vurub və 6 məhsuldar ötürmə edib.

İspaniya millisi oktyabrın 15-də Millətlər Liqası çərçivəsində Serbiya yığmasını qəbul edəcək.