“Yalnız məğlubiyyətimiz haqda düşünürük” – Ayaz Quliyev

“Spartak”ın (Moskva) azərbaycanlı futbolçusu Ayaz Quliyev Rusiya Premyer Liqasının 8-ci turu çərçivəsində keçirilən “Zenit”lə matçdan sonra açıqlama verib.

Komanda.az “Matç TV”-yə istinadən xəbər verir ki, oyunun 74-cü dəqiqəsində əvəzlənən Quliyev, 0:1 hesabı ilə məğlub olduqları matçı belə şərh edib:

“İndi əvəzlənməyimin səbəbləri barədə düşüncələr yoxdur. Yalnız məğlubiyyətimiz haqda düşünürük. Əlbəttə ki, sıx qrafikdə oynamağımız da oyunumuza təsir edir, amma əsas səbəbin bu olduğunu deyə bilmərəm. Oyun ərzində bəzi anlarda düzgün yanaşmadıq, reallaşdıra biləcəyimiz yüz faizlik epizodlar yaratmadıq. Əsas səbəblər bunlardır”.