Palmer “Mançester Siti”ni “Çelsi”yə dəyişməsinin səbəbini açıqladı

“Çelsi”nin yarımmüdafiəçisi Koul Palmer “Mançester Siti”dən London klubuna keçməsi ilə bağlı fikirlərini bölüşüb.

Komanda.az xarici KİV-ə istinadən xəbər verir ki, ingiltərəli futbolçu mümkün qədər tez-tez meydanda olmaq istədiyini söyləyib:

“Mançester Siti”dən ayrıldım, çünki tez-tez meydanda olmaq istəyirdim. Ona görə də, “Çelsi”ni seçdim. Mən mümkün qədər tez-tez öz oyunumu nümayiş etdirmək istəyirəm. Xoşbəxtəm, çünki qərarım öz bəhrəsini verdi”.

Koul “Mançester Siti” akademiyasının yetirməsidir. O, 47 milyon avroya “Çelsi”yə keçib. Futbolçu bu mövsüm 33 oyun keçirib, 13 qol vurub və 11 məhsuldar ötürmə edib.